Sveinstindur

Lýsing

Sveinstindur

Sveinstindur er 2044m hár og næsthæsti tindur landsins, aðeins 66 metrum lægri en Hvannadalshnjúkur og er í austurjaðri öskjunnar í Öræfajökli. Fjallaskíðaferð á Sveinstind er einstaklega skemmtileg en krefjandi. Verðlaunin eru án efa ein flottasta og lengsta skíðabrekka landsins.  Þú þarft að vera í góðu líkamlegu formi og hafa gott vald á fjallaskíðum til að fara í þessa ferð. Gisting, sameiginlegur kvöldverður og akstur er á eigin vegum.

Fjöldi þátttakenda

Minnst 6, mest 20.

Skíðaleiðin

Skíðaleiðin er einstaklega falleg. Misjafnt er hvar er byrjað ýmist er farinn Hnappavallaleið og þá er keyrt uppí 500m hæð eða byrjað við Kvísker og þá er gengið með skíðin á bakinu eftir brattri brekku upp í 500 m hæð eða í þá hæð sem snjólínan liggur. Hvor leiðin sem er farinn þá er alltaf skinnað upp í 1100m hæð og farið í línu. Gengið er í línu á jöklinum upp á topp. Öskjubrúnin er í um 1750 m hæð og er gengið eftir henni fyrst að Sveinsgnípu og þaðan á Sveinstind. Á leiðinni niður bíður okkar 8 km löng géggjuð skíðaleið niður að snjólínu. Þessi ferð er mikil upplifun en getur verið krefjandi og er mjög löng. Allt í allt getur ferðin tekið 12-16 klukkustundir.

Tölulegar upplýsingar

Vegalengd: 24-26 km

Heildar ferðatími: 12-16 klst.

Heildar hækkun: 2050m

Innifalið í verði

Leiðsögn og skipulag.

Ekki innifalið í verði

Gisting, matur og akstur er á eigin vegum.

Hvað á ég að taka með? Útbúnaðarlisti er sendur til þátttakenda fyrir brottför

Dagsetning: 8.-9. maí 2026

Sendið fyrirspurn ef þið viljið bóka þessa ferð aðra daga en hér eru tilgreindir (lágmarksfjöldi er fimm manns).

Afbókunarskilmálar

Ef ferð er afbókuð sjö dögum fyrir brottför fæst, 80% fargjalds endurgreitt. Ef ferð er afbókuð 3 dögum fyrir brottför fæst, 50% fargjalds endurgreitt. Ef ferð er afbókuð með styttri fyrirvara en þremur dögum fæst hún ekki endurgreidd. Ef Fjallaskíðun fellir niður ferðina út af slæmum aðstæðum eða vondu veðri fæst 100% fargjalds endurgreitt.