Haute Route í Ölpunum

Tímalengd:
7 dagar
Transport:
Flug og bíll
Tegund ferðar:
Fjallaskíðaferð
Fjöldi:
6 mans
Erfiðleikastig
Miðlungs til erfitt
Fyrir hverja
Vana fjallaskíðara
Verð á mann
290.000kr
Staðfestingargjald
45.000kr
Framboð
2 sæti eru laus í þessa ferð

kr.290.000

Discount:
Dagsetning:
  • apríl 2, 2023

Special offer

Lýsing

Haute Route 

Ein frægasta fjallaskíðaleið í Evrópu kallast Haute Route og liggur frá Chamonix í Frakklandi til Zermat í Sviss. Þetta er stórkostleg 7 daga skíðaleið sem við mælum mjög mikið með. Til þess að fara í þessa ferð þarftu að hafa gott vald á fjallaskíðum og vera í mjög góðu líkamlegu formi.

Skíðaleiðin

Þetta er fjallaskíðaferð eins og hún gerist best. Leiðin liggur að mestu í 2-3500m hæð og getur reynt á hæðaraðlögunar hæfni hvers og eins. Hver dagleið er einstök og hefur sinn sjarma en alla dagana er skinnað eða klifrað uppí 1-2 falleg fjallaskörð og svo skíðað niður mislangar frábærar skíðabrekkur. Dagleiðirnar eru að meðaltali um 1000-1200m hækkun og 8-10km langar. Á þessari leið er stórkostlegt útsýni yfir falleg fjöll eins og Mont Blanc, Matterhorn, Grand Combin og Monte Rosa frá ýmsum sjónarhornum. Leiðin byrjar í Chamonix við rætur Mont Blanc og endar í skugga eins frægasta fjalls í Ölpunum, Matterhorn. Gist er í vel útbúnum fjallaskálum á leiðinni. Þetta er ferð sem allir reyndir skíðamenn ættu að fara að minnsta kosti einu sinni á lífsleiðinni.

Hlutfall þátttakenda á einn leiðsögumann er 1:6. Hópurinn getur því mest verið 6 mans.

Dagsetning: 02. – 08. apríl 2023

Verð: 290.000 kr.

Staðfestingargjald: Til að tryggja sér pláss í þessari ferð þarf að greiða 45.000kr staðfestingargjald inná reikning: 301-26-10044, kt. 561216-1770. Kvittun: info@fjallaskidun.is Ekki er hægt að fá staðfestingargjald endurgreitt.

Innifalið:

  • Íslensk fararstjórn
  • IFMGA enskumælandi fjallaskíðaleiðsögumaður.
  • Gisting í 6 nætur í skála
  • Hálft fæði (morgunmatur og kvöldmatur) í skálum.
  • Skíðalyftupassar.
  • Allur flutningur á milli staða á skíðaleiðinni.
  • Undirbúningsfundur með fararstjóra.
  • Leiðbeiningar um val á búnaði.
  • Tvær undirbúningsferðir með Fjallaskíðun

 

Ekki innifalið:

  • Flug út og heim aftur.
  • Rúta frá flugvelli til Chamonix og til baka aftur.
  • Hótel gisting í Chamonix og Zermat
  • Drykkir (vatn, vín, gos), nesti yfir daginn og snarl, nammi.
  • Auka ferða og slysatrygging til að tryggja neyðarflutning ef þarf (þyrla).

 

Hæfniskröfur

  • Traust og góð skíðatækni við mismunandi skilyrði.
  • Grunntækni í fjallamennsku. Geta gengið á mannbroddum og beitt ísexi.
  • Geta framkvæmt “kickturns” í mismunandi halla (allt að 35 gráður).
  • Mjög gott líkamlegt form.

 

Hvað þarf ég að taka með?

Útbúnaðarlisti er sendur út til þátttakenda fyrir brottför.

 

Afbókunarreglur

Ef ferð er afbókuð átta vikum fyrir brottför fæst 80% fargjalds endurgreitt.

Sex vikum fyrir brottför er 60% fargjalds endurgreitt.

Afbókun ferðar með styttri fyrirvara en fjórum vikum fæst ekki endurgreidd.

Staðfestingargjald fæst ekki endurgreitt.