SKILMÁLAR FJALLASKÍÐUNAR

UM FYRIRTÆKIÐ

Fjallaskíðun (Herðubreið útivist og heilsa ehf.)
Kt.561216-1770
vsk: 134336
Brekkustígur 19
101 Reykjavík
Sími: 8471118

Virðisauka númer: 134336
fjallaskidi@gmail.com

 

VERÐ OG GREIÐSLA

Athugið, að verð í netverslun getur breyst án fyrirvara. Tekið er við helstu greiðslukortum (Visa eða Mastercard) á heimasíðu og einnig má greiða með millifærslu. Upphæðina má leggja inn á reikning: 0301 26 10044, kennitala: 561216 1770. Koma þarf fram hver leggur inn og fyrir hvaða ferð. Að auki þarf að senda afrit af millifærslunni á netfangið fjallaskidi@gmail.com.

BÓKANIR OG AFBÓKANIR

Hægt er að bóka ferðir með Fjallaskíðun (Herðubreið útivist og heilsa ehf.) í gegnum heimasíðu eða með tölvupósti á fjallaskidi@gmail.com. Bókanir byggja á fyrstur kemur, fyrstur fær reglunni og fullnaðargreiðsla þarf að liggja fyrir brottför til að tryggja sér pláss á námskeiðum og í dagsferðir. Afbókanir og breytingar á bókunum þarf ávallt að gera skriflega með tölvupósti á netfangið fjallaskidi@gmail.com

BÓKANIR Á NÁMSKEIÐ

Bókun á námskeið eða kennslu á vegum Fjallaskíðunar (Herðubreið útivist og heilsa ehf.) telst ekki gild nema námskeiðsgjald sé greitt og skal gjaldið vera að fullu greitt þremur dögum fyrir fyrstu kennslustund. Gjaldið fæst ekki endurgreitt.

BÓKANIR Í DAGSFERÐIR

Dagsferðir eru ferðir sem standa í skemur en sólarhring. Bókun í ferð telst ekki gild nema búið sé að ganga frá greiðslum. Ferð skal vera greidd að fullu viku fyrir brottför nema annað sé tekið fram.

AFBÓKANIR

Fjallaskíðun (Herðubreið útivist og heilsa ehf.) áskilur sér rétt til þess að breyta dagskrá ferðar eða aflýsa henni með öllu vegna veðurs eða annarra ófyrirsjáanlegra aðstæðna til þess að tryggja öryggi farþega og starfsfólks. Þá verður haft samband við þá sem hafa skráð sig og þeim boðin inneignarnóta í formi gjafabréfs eða full endurgreiðsla.

Um afbókanir gilda eftirfarandi reglur:

Ef afbókað er:

  • Viku fyrir brottför er ferð endurgreidd að frádregnu 20% staðfestingargjaldi.
  • Þremur dögum fyrir brottför er helmingur fargjalds endurgreiddur.
  • Afbókun ferðar með styttri fyrirvara en þremur dögum fæst ekki endurgreidd.
  • Staðfestingargjald fæst ekki endurgreitt þótt afbókað sé.

TRÚNAÐUR

Fjallaskíðun heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar frá kaupanda verða ekki afhentar þriðja aðila undir neinum kringumstæðum.
Fjallaskíðun getur þurft að nota persónuupplýsingar eins og heimilisfang eða tölvupóstfang, til að senda viðeigandi skilaboð til meðlima síðunnar. Þessar upplýsingar eru aldrei afhentar þriðja aðila. Meðlimir vefverslunarinnar geta ætíð afskráð sig og þannig neitað fyrirtækinu notkun á slíkum upplýsingum.

TRYGGINGAR OG SKYLDUR ÞÁTTTAKENDA

Jafnvel þótt ýtrasta öryggis sé gætt í ferðum fylgir þátttöku í fjallaskíðaferðum óhjákvæmilega einhver áhætta eins og snjóflóðahætta og að ganga í bröttum hlíðum sérstaklega að vetri til. Þátttakendur ferðast ávallt á eigin ábyrgð. Fjallaskíðun (Herðubreið útivist og heilsa ehf.) tryggir hvorki farþega, útbúnað né önnur verðmæti í ferðum. Þátttakendur skulu ávallt fara eftir fyrirmælum fararstjóra og hvorki stofna sér né öðrum í hættu.
Þátttakendur eru hvattir til að láta vita af undirliggjandi sjúkdómum, ofnæmi eða öðrum vandamálum sem geta haft áhrif á líðan og líkamsástand undir álagi eins og í fjallaferðum.

VANDAMÁL

Komi upp einhver vandamál í ferð skal umsvifalaust gera fararstjóra viðvart sem reynir að greiða úr vandanum og leysa hann á staðnum. Takist það ekki getur farþegi sent skriflega kvörtun um málið til Fjallaskíðunar eins fljótt og unnt er og í síðasta lagi innan mánaðar frá því að ferð lauk, annars verða hugsanlegar bótakröfur ekki teknar til greina. Komi farþegi ekki umkvörtunarefni sínu á framfæri við fararstjóra meðan á ferð stendur fyrirgerir farþegi rétti sínum til hugsanlegra bóta.

LÖG OG VARNARÞING

Ákvæði og skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur netverslun Fjallaskíðunar (Herðubreið útivist og heilsa ehf.) á grundvelli þessara ákvæða og skilmála, verður slíkum ágreiningi eða kröfu vísað til meðferðar hjá íslenskum dómstólum.